古遠有云「人衰行路打倒遯」, 竟然爆竊都可以同一間舖連續兩日比人爆完一次又一次, 話晒自命爆竊追擊手點可以唔立即去索料?

話說呢間茶餐廳喺地窂位置, 多得颱風「山竹」旋風式捲到, 搞到舖頭不單水浸仲要電都停埋. 生意冇得做不特止, 個賊仔仲一連兩日從後門闖入, 雖知店舖爆竊唔係正門入就後門入, 但一場唻到唔去睇埋個後門, 又點夠胆自稱爆竊追擊手?！立即同老闆大胆要求…

我：其實介唔介意帶我睇吓個後門?

老闆：可以, 跟我唻吖！

我：度門本身加咗呢塊門板?

老闆：唔係…第一次爆嗰時個賊仆爛度門嘅玻璃, 然後伸手開咗個鎖, 再加上比佢知道冇電到, 而個閉路電視又Off機, 所以爆咗啲現金.

我：咁第二次係點?

老闆：諗住用塊木板封返後門個玻璃位就得啦, 點知撬爛塊板再爆多次, 今次唔見咗兩塊開咗光嘅佛牌, 加埋成二萬蚊. 咁熟路, 我哋都懷疑係同一個賊.

我：不過話時話…你哋個後門真係條條大路通羅馬, 連埋天井個入口同地窂個後門, 總共有三個入口任賊行. 點解唔裝個有警鐘既防盜系統?

老闆：唉！冇諗到好運成咁㗎嘛.

我：又係…真係瘦田冇人耕, 耕開有人爭.

小編發現最近呢兩個月啲爆竊案發生得好頻密, 有唔少案仲係啲偷渡客唻搵食, 衷心奉勸一句：取易不取難 取難找麻煩！都係裝返個識響又識叫既警鐘防盜系統啦, 個賊見到你有裝隔離舖冇裝, 都識得搵食行過隔離吖, 唔通佢想主演返套《監獄風雲2018之揸兜等派飯》咩?