話說尋日睇到新聞, 得知油塘區有兩間茶餐廳同一日比賊人爆竊, 一間冇咗幾千蚊, 另一間冇咗萬二蚊. 既然做得爆竊追擊手, 點都要踩去現場了解吓. 今日專誠過去實地了解, 仲同其中一間茶餐廳老闆吹起閒水唻：

我：您好！我公司做智能防盜系統, 睇新聞知你茶餐廳尋日比賊爆竊過, 新聞仲話失去咗唔少現金.

老闆：係呀！

我：好奇怪, 你們呢個位置又喺商場裡面, 門口又有捲閘, 應該唔易落手. 警察同你應該都翻睇咗閉路電視啲影片, 係咪呀?

老闆：我都唔知, 或者啲賊太專業, 睇晒成條片成個過程都係10分鐘左右, 撬開度閘同度門兼放錢個櫃. 只係估唔到連啲咁重嘅「神沙」都抬走, 畢竟紙幣得嗰三兩千.

我：嘩！咁又唔係呀！一場唻到, 有錢拎走，難道放手?

老闆：咁又係

我：其實以你呢個位置, 話晒對住大街, 啲賊如果見到你有裝防盜系統根本唔會落手, 唔通等個實Q可以嗱嗱聲報警好咩?

老闆：之前冇諗過對住大街大巷都咁猖狂.

我：明白(其實我心諗, 唔通個賊約咗你在先, 再唻做嘢先啱?)

Anyway…或者天生都算有啲危機意識, 一到18歲有能力賺吓錢就立即走去買份保險, 只怕無啦啦死鬼咗屋企都唔洗揹多份之餘, 又唔洗擔心生活. 唔好以為我講得好遠, 一直覺得自己做呢行某程度同保險極相似, 買咗又唔想用得著, 唔買出事又後悔無買. 所以都係有份保障安全較好, 我都建議客人用呢個角度去考慮, 因賊人始終係取易不取難, 又有防盜系統, 又會響, 賊都情願搵間無防盜既, 慢慢偷啦.